हर्क साम्पाङको उद्घोष: ‘हामी नै जित्छौं, सरकार बनाउँछौं’ – जेनजीको माग सम्बोधन गर्ने प्रतिबद्धता
By anjana soni
५ महिना अगाडि
Comments: 0
श्रम संस्कृति पार्टीका सभापति तथा धरान उपमहानगरपालिकाका मेयर हर्कराज राई (साम्पाङ) ले आसन्न चुनावमा आफ्नो पार्टीले जित हासिल गर्ने र केन्द्रमा सरकार गठन गर्ने दाबी गरेका छन्। उनले पार्टीको नेतृत्वमा बन्ने सरकारले ‘जेनजी’ (Gen Z) को माग सम्बोधन गर्न विशेष आयोग गठन गर्ने प्रतिबद्धता पनि व्यक्त गरेका छन्।
काठमाडौंको सिफलमा आयोजित एक सभालाई सम्बोधन गर्दै मेयर साम्पाङले यो दाबी गरेका हुन्। उनले आफ्नो पार्टीले देशको अग्रगामी छलाङका लागि योजना ल्याउने जिकिर गरे।
साम्पाङले आफूहरूको यो लक्ष्य केवल भाषणमा मात्र सीमित नरहेको र यसलाई घोषणापत्रमा समेत समावेश गरिएको बताएका छन्।
‘जेनजीको आन्दोलनमा भएको तर नबोलिएको एउटा सत्य के हो भने हाम्रो विचार अनुसारको राज्य पनि हुनुपर्छ भन्ने हो। त्यसकारण हामीले घोषणापत्रमै लेखेका छौं,’ साम्पाङले भने, ‘हामी सरकार गठन गरिसकेपछि हामीले नै जित्छौं, कुनै शंका छ? हामीले नै जित्छौं, हामीले नै सरकार गठन गर्छौं।’
साम्पाङले आफ्नो नेतृत्वको सरकारको प्रमुख कार्यसूचीमा युवा पुस्ताको आवश्यकता र माग सम्बोधन गर्नु रहेको बताए। उनले युवा पुस्ताको भावना बुझ्नका लागि ‘जेनजी आयोग’ बनाउने घोषणा गरे।
आयोगको उद्देश्य: जेनजीले के भन्न चाहेको छ भन्ने कुरा बुझ्ने र उनीहरूको मागलाई नीतिगत तहमा सम्बोधन गर्ने।
पुस्ताको भिन्नता: ‘त्यसपछि जेनजीको एउटा आयोग बनाउँछौं। जेनजीले के भन्न चाहेको छ भन्ने बुझ्नुपर्यो नि। ८० वर्षको पुस्ता र हिजो अस्तिको युवा पुस्ताले भनेको कुरा बुझ्छ?’ भन्दै उनले नयाँ पुस्ताको भावनालाई नजरअन्दाज गर्न नहुनेमा जोड दिए।
५ महिना अगाडि
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
