मिडियामार्फत केम्श सिंहको आग्रह: नयाँ सरकारलाई शिक्षा सुधारका ४ बुँदे सुझाव

काठमाडौं । काठमाडौं क्षेत्र नं. ४ का प्रतिनिधि सभा उम्मेदवार केम्श सिंहले मिडियामार्फत नयाँ सरकारलाई शिक्षा क्षेत्र सुधारका लागि चार बुँदे सुझाव प्रस्तुत गरेका छन्।
सिंहले पहिलो बुँदामा प्रत्येक वडामा कम्तीमा एक नमुना विद्यालय स्थापना गरी गुणस्तरीय शिक्षामा सबैको पहुँच सुनिश्चित गर्नुपर्ने बताएका छन्।
दोस्रो बुँदामा उनले प्राविधिक तथा व्यावसायिक शिक्षालाई प्राथमिकता दिँदै सीपमूलक तालिम केन्द्र सञ्चालन गर्नुपर्नेमा जोड दिएका छन्, जसले युवालाई रोजगारीसँग जोड्न मद्दत गर्नेछ।
तेस्रो बुँदामा विद्यालयहरूमा विद्यार्थी सङ्ख्याको आधारमा शिक्षक दरबन्दी मिलान गर्नुपर्ने र विषयगत शिक्षक अनिवार्य व्यवस्था गर्नुपर्ने सुझाव दिएका छन्।
चौथो बुँदामा उनले शिक्षामा आधुनिक प्रविधिको प्रयोग बढाउँदै डिजिटल कक्षा सञ्चालन गर्नुपर्ने आवश्यकता औंल्याएका छन्।
सिंहले यी चारै बुँदा कार्यान्वयन गरे काठमाडौं–४ मा शिक्षाको गुणस्तर सुधार हुने र सबै विद्यार्थीले समान अवसर पाउने विश्वास व्यक्त गरेका छन्।