माइतीघरमा भन्सार कर नीतिविरुद्ध प्रदर्शन, तत्काल खारेजको माग
By anjana soni
६ मिनेट अगाडि
Comments: 0
काठमाडौं । नेपाल–भारत सीमामा लागू गरिएको रु १०० भन्दा माथिको सामानमा भन्सार कर लगाउने नीतिविरुद्ध विरोध प्रदर्शन गरिएको छ । शनिबार Youth for Truth ले माइतीघर मण्डला मा प्रदर्शन गर्दै उक्त नीति तत्काल खारेज गर्न माग गरेको हो ।
प्रदर्शनकारीहरूले सानो परिमाणमा किनमेल गर्ने सर्वसाधारणलाई समेत असर पर्ने भन्दै यो निर्णय अव्यवहारिक भएको बताएका छन् । उनीहरूले सीमावर्ती क्षेत्रका स्थानीय बासिन्दा र दैनिक उपभोगका सामान ल्याउने सर्वसाधारणलाई अनावश्यक भार परेको गुनासो गरे ।
युथ फर ट्रुथका प्रतिनिधिहरूले सरकारले जनताको अवस्था बुझेर यस्तो नीति पुनर्विचार गर्नुपर्ने बताए । उनीहरूले सीमा नीतिलाई सरल, व्यवहारिक र सर्वसुलभ बनाउन माग गर्दै सम्बन्धित निकायको ध्यानाकर्षण गराएका छन् ।
सरकारले हालसम्म यस विषयमा औपचारिक प्रतिक्रिया दिएको छैन ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
