वीरगञ्ज – रोट्र्याक्ट डिष्ट्रिक्ट ३२९२को आयोजना र रोट्र्याक्ट क्लब अफ वीरगञ्जको आतिथ्यतामा वर्ष २०२५/२६ को “प्रथम अध्यक्ष–सचिव भेला” (P.S. Meet) शनिबार वीरगञ्जमा भव्य रूपमा सम्पन्न भएको छ।
होटल विशुवामा सम्पन्न उक्त कार्यक्रममा देशभरका करिब ४२५ जना रोट्र्याक्टरहरूको सहभागिता रहेको थियो। भेलाले रोट्र्याक्टरहरूबीच सहकार्य, नेतृत्व विकास र मित्रताको सम्बन्ध सुदृढ बनाउँदै “सेवामार्फत सहकार्य” (Fellowship Through Service) को भावनालाई व्यवहारिक रूप दिएको आयोजकले जनाएको छ।
कार्यक्रमका प्रमुख अतिथि वीरगञ्ज महानगरपालिकाका नगरप्रमुख राजेशमान सिंह रहेका थिए भने कार्यक्रमको अध्यक्षता रोट्र्याक्टर विवेक कुमार पटेलले गरेका थिए।
डिआरआर दिनेश गैरे, पूर्व डिआरआर रोशन कार्की, निवर्तमान डिआरआर बिक्रम क्षेत्री, रोटरी क्लब अफ वीरगञ्जका निर्वाचित अध्यक्ष राकेश मिश्र, रोटरी मेट्रोपोलिसका अध्यक्ष सञ्जय जोशी लगायत विशिष्ट व्यक्तित्वहरूको उपस्थिति रहेको थियो।
कार्यक्रम संयोजक डिआरआर (एड) आयुष गुप्ताको नेतृत्वमा सम्पन्न उक्त भेला सफल र अनुकरणीय बनेको आयोजक समितिले जनाएको छ।
रोट्र्याक्ट क्लब अफ वीरगञ्जको ३५ वर्षे गौरवमय यात्राको पृष्ठभूमिमा आयोजना गरिएको यो कार्यक्रम क्लबको ऐतिहासिक उपलब्धि र एकताको प्रतीकका रूपमा रहने उल्लेख गरिएको छ।
By
By
