भारतसँगको सीमा नाकामा होल्डिङ सेन्टरलाई बढाउन मुख्यमन्त्री शेरचनको निर्देशन
By YOUTV
४ वर्ष अगाडि
Comments: 0
काठमाडौं । माघ १० गते
लुम्बिनी प्रदेशका प्रदेश प्रमुख अमिक शेरचनले कोभिड १९को तेस्रो लहरका संक्रमित बढ्दै गइरहेको अवस्थामा कोरोना नियन्त्रणमा प्रदेश सरकार र मातहतका संयन्त्रको भूमिकाको बारेमा चासो व्यक्त गर्नुभएको छ । प्रदेश प्रमुखको कार्यालयमै प्रदेशका मुख्यमन्त्री , मन्त्रीहरू, विभिन्न मन्त्रालयका सचिव, प्रमुख जिल्ला अधिकारी, सुरक्षा निकायका प्रमुखलगायतलाई बोलाएर कोभिडको विषयमा भइरहेका कामहरूको बारेमा जानकारी लिनुका साथ थप तयारी गर्न निर्देशन दिनुभयो ।
प्रदेश प्रमुख शेरचनले प्रदेशमा कोभिड नियन्त्रणमा सरकारको भूमिकालाई थप प्रभावकारी बनाउन आग्रह गर्नुभएको हो । उहाँले वर्तमान समयमा मानवीय सुरक्षालाई प्राथमिकतामा राख्न र विकास निर्माणलाई दोस्रो श्रेणीमा राख्न आह्वान गर्नुभयो ।लुम्बिनी प्रदेशका मुख्यमन्त्री कुल प्रसाद केसीले प्रदेश सरकारले कोभिड नियन्त्रण र यसका जोखिम न्यूनिकरण गर्न लागि परेको बताउनुभयो । उहाँले संघीय सरकारसँग समन्वय गरेर प्रदेश सरकार अगाडि बढेको समेत बताउनुभयो । भारतसँगको सीमा नाकामा होल्डिङ सेन्टरलाई बढाउने र निर्माण भएकाबाट काम शुरू गर्न निर्देशनसमेत दिनुभयो ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
