वीरगञ्ज–१५ मा लायन्स क्लबद्वारा हैजा रोगथाम तथा सरसफाइ जनचेतना कार्यक्रम सम्पन्न
By Birgunj
७ महिना अगाडि
Comments: 0
वीरगञ्ज – लायन्स क्लब अफ बिरगंज सेन्ट्रल सिटी, लायन्स क्लब अफ बिरगंज परिवार तथा लायन्स क्लब अफ बिरगंज प्रभुको संयुक्त आयोजनामा वीरगञ्ज महानगरपालिका–१५ नम्बर वडामा हैजा रोगथाम र सरसफाइसम्बन्धी जनचेतना कार्यक्रम सम्पन्न भएको छ।
कार्यक्रमको अध्यक्षता सेन्ट्रल सिटीकी अध्यक्ष लायन सुशिला साहले गर्नुभयो भने प्रमुख अतिथि वडा नं. १५ का अध्यक्ष रमेश यादव हुनुहुन्थ्यो। कार्यक्रममा परिवारका अध्यक्ष लायन नरोत्तम पाण्डे, प्रभु क्लबका अध्यक्ष, विभिन्न समाजसेवी तथा लायन्स सदस्यहरूको विशेष उपस्थितिसहित सहभागिता थियो।
जनचेतनामूलक कार्यक्रमको औपचारिक सत्रपछि टोलीले घर–घरमा पुगेर हैजा तथा झाडापखालाबाट बच्ने तरिका, स्वच्छ खानेपानीको प्रयोग, हात धुने सही तरिका र सरसफाइका उपायबारे जानकारी गराएको थियो। साथै, साबुन र पम्पलेट स्थानीय बासिन्दामाझ वितरण गरिएको थियो।
कार्यक्रम सञ्चालन लायन कविता खड्काले गर्नुभएको थियो। लायन्स क्लबका पदाधिकारीहरूले हैजा नियन्त्रणका लागि नियमित सरसफाइ, शुद्ध पानीको प्रयोग, खुला फोहर व्यवस्थापन नगर्ने र सुरक्षित खानपान गर्ने जस्ता बानीलाई दैनिक जीवनमा अंगिकार गर्नुपर्नेमा जोड दिएका थिए।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
