वीरगञ्ज – लायन्स क्लब अफ वीरगञ्ज परिवारले एरिया–३ का सदस्यहरूको क्षमता अभिवृद्धि गर्ने उद्देश्यले आयोजित मास्टर अफ सेरेमोनि तालिमको पहिलो दिन सफलता पूर्वक सम्पन्न भएको छ।
कार्यक्रमको अध्यक्षता क्लबका अध्यक्ष लायन नरोत्तम पाण्डेले गर्नुभयो भने प्रमुख अतिथि 1st VDG लायन राम बिहारी पाण्डे हुनुहुन्थ्यो। प्रशिक्षण डिस्ट्रीकका एक्जिक्युटिभ चिफ लायन वासु तिमल्सिना र मनोज उपाध्यायले सहभागी सदस्यहरूलाई तालिम प्रदान गर्नुभयो।
वक्ताहरूले मास्टर अफ सेरेमोनि कुनै पनि कार्यक्रमको “हृदय” हुने भन्दै, भाषा प्रयोग, प्रस्तुतीकरण शैली, अनुशासन र समय व्यवस्थापनलाई प्रभावकारी बनाउन तालिमले महत्वपूर्ण योगदान पुर्याउने बताए।
तालिममा एरिया चिफ लायन रामेश्वर गुप्ता, रिजन चेयरपर्सन लायन सन्दिप गुप्ता तथा सञ्चालक लायन दिगम्बर थापाको विशेष उपस्थिति थियो। कार्यक्रममा क्लबका १५ जना सदस्यहरूले सक्रिय सहभागिता जनाएका थिए।
By
By
