गठबन्धनको संभावनलाई नर्कान सकिदैन–प्रकाशशरण महत

By YOUTV

४ वर्ष अगाडि

Comments: 0

काठमाडौं । ६ चैत गते
आगामी स्थानीय निर्वाचनमा गठबन्धनको संभावनालाई नकार्न नसकिने नेपाली कांग्रेसका प्रवक्ता डा। प्रकाशशरण महतले बताउनु भएको छ । सल्यानको एक कार्यक्रममा सहभागी हुने क्रममा शनिवार दिउँसो नेपालगञ्जमा पुग्नु भएका प्रवक्ता डा।महतले नेपाल प्रेस युनियन बाँकेद्धारा आयोजित पत्रकार सम्मेलनमा ुविनविनु को अवस्था आए गठबन्धन हुनसक्ने बताउनु भएको हो । उहाँले गठबन्धनको संभावनलाई नर्कान नसकिने र यस विषयमा पार्टीको केन्द्रीय समितिमा छलफल हुने उहाँको भनाई थियो ।

उहाँले गठबन्धन गर्दा बढी सिट जितिन्छ भन्नेमा सहमति बन्यो र इच्छुक दलहरुको उपयुक्त प्रस्ताव आयो भने गठबन्धन हुने जिकिर गर्नु भएको छ । उहाँले हरेक पार्टीको लक्ष्य निर्वाचनमा सकेसम्म बढी सिट जित्ने भएकोले गठबन्धन गर्दा धेरै सिट जित्ने देखियो भने गठबन्धन हुने र त्यसको मोडेल केन्द्रले निर्धारण गर्ने पनि बताउनुभयो।उहाँले गठबन्धनको बारेमा अहिल्यै जनतालाई भन्न जरुरी नभएको र सत्यमा, कानूनमा, नागरिक स्वतन्त्रतामा, मानव अधिकारमा, यथार्थमा विश्वास गर्ने, पारदर्शितामा विश्वास गर्ने पार्टी भएको जिकिर गर्नु भएको छ । उहाँले आगामी स्थानीय निर्वाचनमा पार्टीका तर्फबाट उठाइने उम्मेदवारहरुको टुंगो चैत्र महिनाभित्रै लाग्ने बताउनु भएको छ ।