भूकम्पीय जोखिमबाट बच्न सुरक्षित संरचना निर्माण गर्नुपर्छ – यादवचन्द्र शर्मा
By YOUTV
४ वर्ष अगाडि
Comments: 0
काठमाडौं । माघ २ गते
भूकम्पीय जोखिमबाट बच्न सुरक्षित संरचना निर्माण गर्नुपर्ने बागमती प्रदेशका प्रदेश प्रमुख यादवचन्द्र शर्माको भनाई छ । आज २४ औं राष्ट्रिय भूकम्प सुरक्षा दिवसका अवसरमा सन्देश जारी गर्दै विभिन्न समयमा गएका भूकम्पबाट ज्यान गुमाएका व्यक्तिहरूमा श्रद्धाञ्जलीसमेत व्यक्त गर्नु भएको छ ।
२ माघ १९९० मा गएको भूकम्पको त्रासद सम्झनामा यो दिवस मनाउने गरिएको सन्दर्भ उल्लेख गर्दै उहाँले १२ वैशाख २०७२ को भूकम्पपछि पुनर्निर्माणको काम सम्पन्न हुने चरणमा रहेको बताउनु भएको छ । उहाँले भूकम्पबाट क्षति भएका संरचनाहरू पुनर्निर्माण एवं पुनःस्थापनाको कार्यमा लाग्ने र सहयोग पुर्याउने सम्बन्धित सम्पूर्ण पक्षहरूमा धन्यवाद व्यक्त गर्नु भएको छ ।
प्रमुख शर्माले भूकम्पीय जोखिमका हिसाबले नेपाल ११ औं स्थानमा रहेको तथ्यलाई मध्यनजर गर्दै पूर्वाधार निर्माणमा आचारसंहिताको पूर्णपालना गरिए यसबाट जनधनको क्षति कम गर्न सघाउ पुग्ने विश्वास व्यक्त गर्नु भएको छ । आजका दिनलाई औपचारिकतामा सीमित नगरी नागरिकलाई भूकम्पबाट हुने क्षति न्यूनीकरण गर्न आवश्यक मापदण्ड निर्माण गरी कार्यान्वयन गर्ने वातावरण बनाउन आग्रह गर्दै यो दिवसले सचेत र सुरक्षित रहन सबैलाई प्रेरित गरोस् भन्ने प्रमुख शर्माले शुभकामना व्यक्त गर्नु भएको छ ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
