पार्टीभित्र एकता नै नभए विपक्षीसँग प्रतिस्पर्धा गर्न सकिदैन– रामचन्द्र पौडेल
By YOUTV
४ वर्ष अगाडि
Comments: 0
काठमाडौं । फागुन २४ गते
पार्टीलाई एकजुट बनाएर अगाडि बढ्नुको विकल्प नरहेको नेपाली कांग्रेसका वरिष्ठ नेता रामचन्द्र पौडेलको भनाई छ । नेपाली कांग्रेस बन्दीपुर गाउँसमितिले डुम्रेमा आयोजना गरेको कार्यकर्ता भेटघाट कार्यक्रममा बोल्दै उहाँले स्थानीय तह निर्वाचन नजिकिँदै गइरहेकाले पार्टीलाई सशक्त र एकजुट बनाउनुपर्नेमा जोड दिनु भएको छ । उहाँले कांग्रेस एकजुट भए मात्रै विपक्षीसँग प्रतिस्पर्धा गर्न सकिने बताउँदै र्टीभित्र भएका असमझदारीलाई हटाउँदै एकता कायम गर्नुपर्ने जिकिर गर्नु भएको थियो ।
उहाँले एकता नै नभए विपक्षीसँग प्रतिस्पर्धा गर्न नसकिने बताउनु भएको छ । वरिष्ठ नेता पौडेलले जनताको सेवालाई मूल धर्म सम्झिएर कार्यकर्ता गाउँगाउँ पुगेर कांग्रेसको प्रचार गर्नुपर्ने बताउनु भएको थियो । उहाँले अहिले रहेको चार दलीय गठबन्धनलाई निरन्तरता दिनुपर्ने बताउनु भएको थियो । वरिष्ठ नेता पौडेलले समावेशी संविधानका लागि एउटै पार्टीको बहुमत नआउने भएकाले गठबन्धन गरेर जाँदा कांग्रेसलाई नै फाइदा पुग्ने धारणा व्यक्त गर्नु भएको थियो ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
