नेकपा एमाले र लोसपावीच बीरगंजमा चुनावी तालमेल ,एमालेको तर्फबाट मेयरका उम्मेदवार सरावगी
By YOUTV
४ वर्ष अगाडि
Comments: 0
बीरगंज ८ बैशाख : बीरगंज महानगरपालिकामा नेकपा एमाले र लोकतान्त्रिक समाजवादी पार्टी वीच चुनावी तालमेल भएको छ । आसन्न स्थानीय तहको निर्वाचनमा नेकपा एमाले र लोकतान्त्रिक समाजवादी पार्टीले तालमेल गरेर गरेर वीरगञ्ज महानगरपालिकामा चुनाव लड्ने घोषणा गरेका छन ।
सहमतीका बिषय दुबै दलले बीरगंजको होटेल भिषूवामा संयुक्त पत्रकार सम्मेलनको आयोजना गरेर सार्वजनीक गरेका हुन ।
तालमेल अनुसार महानगरको प्रमुखको उम्मेदवार नेकपा एमालेले र उपप्रमुखको उम्मेदवार लोकतान्त्रिक समाजवादी पार्टीले पाउनेगरि दुबै दलले सहमती गरेका छन ।
मधेश प्रदेशको एक मात्र महानगरपालिका वीरगञ्जमा दुवै पार्टीले मेयरदेखि वडास्तरसम्म गठबन्धन गरेर चुनाव लड्ने जनाएका छन् । वडाको उम्मेदवारी आपसी सहमतीमा गरिने दुबै पार्टीले जारी गरेको संयुक्त प्रेस बिज्ञप्तिमा उल्लेख छ ।
महानगरवासीको हरेक दुस्ख र सुखमा सहभागी हुँदै आएका यी दुई पार्टीले सथानीय तहको निर्वाचनमा वीरगञ्ज महानगरपालिकाको प्रमुखमा एमाले र उप९प्रमुखमा लोसपा नेपालको नेतृत्व गर्ने कुरा संयुक्त रुपमा जारी गरिएको बिज्ञप्तिमा उल्लेख छ ।
समृद्ध वीरगञ्जको सपनालाई साकार पार्न र वीरगञ्जवासीको हित, प्रगति, पूर्वाधार विकास र राजनीतिलाई जनसेवाका लागि सदुपयोग गर्न उद्देश्यले गठबन्धन गरिएको दुवै पार्टीको भनाई छ ।
तालमेल सम्बन्धी सम्झौता पत्रमा नेकपा एमाले पर्सा जिल्ला अध्यक्ष जयप्रकाश थारु र लोसपा जिल्ला अध्यक्ष पुरुषोत्तमलाल झाले हस्ताक्षर गरेका छन् । पत्रकार सम्मेलनमा नेकपा एमालेका केन्द्रीय सचिव मधेश प्रदेश इन्चार्ज रघुवीर महासेठ, पोलिटब्यूरो सदस्य एवं सह इन्चार्ज पुरुषोत्तम पौडेल नेकपा एमालेको तर्फबाट बीरगंज महानगरका प्रस्तावित मेयरका उम्मेदवार बिजय कुमार सरावगी , लोकतान्त्रिक समाजवादी पार्टीका नेता लक्ष्मणलाल कर्ण, बिमल श्रीवास्तव , लोसपा पर्साका इन्चार्ज रमेश पटेल नेता प्रहलाद गिरी संबिधान सभाका सदस्य बिचारी यादव नेकपा एमालेका केन्द्रीय सदस्यहरु प्रभू हजरा ,राजकुमार गुप्ता, अरविन्द कुमार सिंह शशी कपुर मिया, रामचन्द्र पंडित , नवराज शर्मा नेपाल बुद्धिजीवी परिषद पर्साका अध्यक्ष शम्भू गुप्ता लगायतका नेताहरुको सहभागिता रहेको यियो ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
