धनुषाको एक स्थानिय तहमा मेयर साह र कर्मचारी विरुद्ध भ्रष्टाचारको आरोप लगाउँदै भैंसी जुलुस
By YOUTV Nepal
५ वर्ष अगाडि
Comments: 0
जनकपुरधाम : प्रदेश २ को धनुषाको एक स्थानिय तहमा भ्रष्टाचार भएकोमा नगरबासीले आज भैंसी जुलुस निकालेका छन् । धनुषाको सबैला नगरपालिकाका मेयर बिजय शंकर साह र कर्मचारी विरुद्ध भ्रष्टाचार गरेको आरोप लगाउँदै नगरबासीले भैंसी जुलुस निकालेका हुन् ।
विगत १४ देखि पालिकाको गेटको अगाडी भ्रष्टाचारविरुद्ध संयुक्त संघर्ष समितिका पदाधिकारी र राजनीतिकर्मी अनसनमा बसेका हुन् ।
समयमा सूचना उपलब्ध नगराउँदा बाध्य भएर रिले अनसन सुरु गरेको समितिका संयोजक सुरेश यादवले जानकारी दिए । समितिले पालिकासँग गत जेठ २३ गते उजुरी दर्ता गराएर ९ वटा शिर्षकमा सूचना माग गरेको थियो । त्यसयघि मौखिक रुपमा पनि सूचना माग गरिएको थियो । तर, कर्मचारी र नगर प्रमुख विजय शंकर साहले वेवास्ता गरेको संयोजक यादवको गुनासो रहेका छन् । संयोजक यादवले भने सूचना नदिएसम्म अनसन जारी राख्ने बताए ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
