नुवाकोट । ग्लेसियर लेक आउटबर्स्ट फ्लड (GLOF) बाट प्रभावित परिवारलाई राहत तथा सहयोग पुर्याउन Lions District 325P Area 1 को टोली पुनः नुवाकोट पुगेको छ।
टोलीले बाढीपीडितका लागि आवश्यक खाद्यान्न, कपडा, औषधि तथा मेडिकल सामग्रीलगायतका अत्यावश्यक सामान लिएर बिदुर नगरपालिका क्षेत्रमा पुगेर राहत तथा मानवीय सेवा प्रदान गरिरहेको छ।
राहत सामग्री वितरणसँगै लायन्सका सदस्यहरू प्रभावित क्षेत्रमा प्रत्यक्ष रूपमा खटिएर पीडित परिवारको अवस्था बुझ्ने, आवश्यक सहयोग गर्ने तथा स्वास्थ्यसम्बन्धी सेवामा समेत सहजीकरण गर्ने कार्यमा सक्रिय छन्।
लायन्स डिष्ट्रिक्ट ३२५पी एरिया १ को आयोजनामा सञ्चालन भइरहेको “Glacier Lake Outburst Flood Victim Relief Programme” अन्तर्गत स्थानीय तथा विभिन्न सहयोगी संस्थाको सहकार्यमा राहत अभियान अघि बढाइएको हो।
“विपद्को समयमा पीडितको साथमा पुग्नु नै मानव सेवाको वास्तविक भावना हो” भन्ने उद्देश्यका साथ टोलीले प्रभावित क्षेत्रमा निरन्तर सहयोगलाई प्राथमिकता दिएको जनाएको छ।
By
By
