काठमाडौं । देशका विभिन्न क्षेत्रमा आएको विनाशकारी बाढीबाट प्रभावित नागरिकहरूको खोज, उद्धार तथा तत्काल राहत कार्यमा सहयोग पुर्याउन नासा सेक्युरिटिजले ५० लाख रुपैयाँ आर्थिक सहयोग गरेको छ।
रसुवा, नुवाकोट, धादिङ तथा भोटेकोशी तटीय क्षेत्रमा हालै आएको विनाशकारी बाढीबाट ठूलो धनजनको क्षति भएकोप्रति गहिरो दुःख व्यक्त गर्दै कम्पनीले उक्त रकम ‘प्रधानमन्त्री दैवी प्रकोप उद्धार कोष’ मा जम्मा गरेको जनाएको छ।
विपद्का कारण संकटमा परेका नागरिकहरूको खोज तथा उद्धारसँगै तत्काल राहत वितरणमा सहयोग पुगोस् भन्ने उद्देश्यले ५० लाख रुपैयाँ प्रदान गरिएको कम्पनीले जनाएको हो।
नासा सेक्युरिटिजले प्राकृतिक विपत्तिमा परी ज्यान गुमाउने सम्पूर्ण नागरिकप्रति भावपूर्ण श्रद्धाञ्जली अर्पण गर्दै घाइतेहरूको शीघ्र स्वास्थ्यलाभको कामना गरेको छ।
कम्पनीले विपद्को यस कठिन घडीमा प्रभावित नागरिकलाई सहयोग गर्न सबै पक्षलाई आ–आफ्नो क्षेत्रबाट सहयोग र सहकार्यका लागि समेत आग्रह गरेको जनाएको छ।
By
By
