आज कांग्रेसले पत्रकार सम्मेलन गर्दै,प्रधानमन्त्री देउवाले चुनावी अभियानबारे जानकारी दिने तयारी

काठमाडौं । फागुन २५ गते
आज दिउँसो ३ बजे नेपाली कांग्रेसले पत्रकार सम्मेलन गर्दैछ । पार्टी कार्यालय सानेपामा पत्रकार सम्मेलनको आयोजना गरिएको कांग्रेसका प्रवक्ता डाक्टर प्रकाशशरण महतले जानकारी दिनु भएको छ । स्थानीय तह निर्वाचनबारे पार्टीले गर्न लागेको ‘एक महिने अभियानबारे जानकारी दिन पत्रकार सम्मेलन आयोजना गरिएको उहाँले बताउनु भएको छ ।

महतका अनुसार प्रधानमन्त्री एवं कांग्रेस सभापति शेरबहादुर देउवाले चुनावी अभियानबारे जानकारी दिनुहुने छ । काँग्रेसले यही फागुन २९ गतेदेखि चैत २९ गतेसम्म ‘घर–घर जाऔं, काँग्रेस जिताऔँ’ अभियान सञ्चालन गर्दैछ । त्यसका लागि कांग्रेसले सात वटै प्रदेशमा केन्द्रीय प्रतिनिधिसमेत खटाएको छ ।