सुनसरीकाे गढीमा सशस्त्र प्रहरी बल नेपाल नम्बर ४ गण स्थानीयलाई विपद् स्वयंसेवक तालिम ।

सुनसरीकाे गढीमा सशस्त्र प्रहरी बल नेपाल नम्बर ४ गण हेड क्वाटर सुनसरीले गढी गाउँपालिकाका २५ जना स्थानीयलाई समेटेर स्वयंसेवक तालिम सुरूवात गरेकाे छ ।
पालिका भित्रका सबै वडाकाे प्रतिनिधित्व हुनेगरी सहभागी गराइएका स्थानीयलाई नम्बर ४ गणले आजबाट तालिम दिन थालेकाे हाे ।
१८ दिन सम्म चल्ने तालिममा सम्भावित विपद्का बेला स्थानीय तवरमा अपनाउने उपाय,खाेज तथा उद्धारका ताैरतरिका सँगै सुरक्षा निकाय सँगकाे समन्वय र सहकार्य लगायतका बारेमा जानकारी दिलाइने नम्बर ४ गण प्रमुख एसपी श्यामकुमार कार्कीले बताउनु भयाे ।
गाउँपालिकाकाे सहयाेगमा थालिएकाे तालिमलाई व्यवहारिक सिकाईका रूपमा अघि बढाइएकाे सशस्त्र प्रहरीले जनाएको छ ।