काठमाडौं । नेपाली म्युजिक भिडियो क्षेत्रमा उदाउँदा कलाकारका रूपमा परिचित DEV RN ले छोटो समयमै आफ्नो अलग पहिचान बनाउन सफल भएका छन्। आकर्षक व्यक्तित्व, स्वाभाविक अभिनय र निरन्तर मेहनतका कारण उनी दर्शकमाझ लोकप्रिय बन्दै गएका छन्।
हालसम्म २० भन्दा बढी म्युजिक भिडियोमा अभिनय गरिसकेका DEV RN ले प्रेम, सामाजिक कथा तथा आधुनिक शैलीका विभिन्न गीतमा आफ्नो अभिनय क्षमता प्रस्तुत गरिसकेका छन्। उनका अभिनयमा देखिने सहजता र पात्रअनुसारको प्रस्तुतीले दर्शकको मन जित्दै आएको छ।
यसैबीच, DEV RN ले पहिलो पटक मैथिली गीतमा समेत अभिनय गर्दै आफ्नो कलाकारिताको दायरा विस्तार गरेका छन्। फरक भाषा र संस्कृतिमा आधारित गीतमा अभिनय गर्नु उनका लागि नयाँ अनुभव बनेको बताइएको छ।
विशेष कुरा के छ भने, एकै दिन DEV RN अभिनीत दुई म्युजिक भिडियो ‘तिम्रो साथ’ र ‘रिङ रिङ’ युट्युबमार्फत सार्वजनिक भएका छन्। एकै दिन दुई फरक शैलीका गीत सार्वजनिक हुनु DEV RN का लागि विशेष उपलब्धिका रूपमा हेरिएको छ।
प्रताप दास र अनु चौधरीको स्वरमा सजिएको ‘तिम्रो साथ’ मा DEV RN कृतिका पौडेलसँग रोमान्टिक भूमिकामा देखिएका छन् भने ‘रिङ रिङ’ मार्फत पनि उनले आफ्नो फरक अभिनय शैली प्रस्तुत गरेका छन्। एकै दिन दुई परियोजनामा दर्शकमाझ आउनुले उनको व्यस्तता र बढ्दो लोकप्रियतालाई समेत संकेत गरेको छ।
सांगीतिक क्षेत्रमा निरन्तर सक्रिय DEV RN ले नयाँ पुस्ताका कलाकारका रूपमा आफूलाई स्थापित गर्ने प्रयास गरिरहेका छन्। नेपाली तथा मैथिली दुवै भाषाका म्युजिक भिडियोमा सक्रियता बढाउँदै आएका उनी अहिले मनोरञ्जन क्षेत्रमा आशालाग्दा कलाकारका रूपमा चिनिन थालेका छन्।
By
By
By
By
