लोकप्रियताका लागि विदेशिएकालाई मतदानको व्यवस्था मिलाउनुपर्ने माग अघि सारे–विष्णु रिजाल
By YOUTV
४ वर्ष अगाडि
Comments: 0
काठमाडौं । असार १० गते
कांग्रेस महामन्त्रीद्वय गगन थापा र विश्वप्रकाश शर्माले सस्तो लोकप्रियताका लागि विदेशमा रहेका नेपालीलाई मतदानको व्यवस्था मिलाउनुपर्ने माग अघि सारेको एमाले नेता विष्णु रिजालले आरोप लगाएका छन् । आज समाजिक सञ्जाल मार्फत आफ्नो धारणा राख्दै उनले आफ्नो पार्टीको मतदान हिलटेक ट्यांकीमा गरेर एक महिनामा मतगणना गर्ने दलले बिनाकानून यस्तो माग सार्न नसुहाउने बताएका छन् ।
बिनाकानून मतदानको अधिकार देऊ भनेर आग्रह गर्नुको साटो कानून बनाउन रिजालले सुझाव दिएका छन् । विदेशमा रहेका नेपालीलाई मतदानको अधिकार दिनुपर्ने माग उठे पनि हालसम्म यससम्बन्धी कानून भने बनेको छैन ।थापा र शर्मा केही दिनअघि विदेशिएकालाई मतदानको अधिकार दिनुपर्ने मागसहित निर्वाचन आयोग पुगेका थिए । महामन्त्रीद्वयको यही शैलीप्रति रिजालले कटाक्ष गरेका हुन् ।
उनले सामाजिक सञ्जालमा लेखेका छन्, आफ्नो पार्टीको चुनाव गर्दा हिलटेक ट्यांकीमा मतदान गर्नुहुन्छ, मतगणना गर्न एक महिना लगाउनुहुन्छ । अनि त्यसरी निर्वाचित भएका कांग्रेसका महामन्त्री साथीहरु निर्वाचन आयोगमा गएर ‘देशबाहिर रहेका नेपालीहरुलाई पनि मतदानको व्यवस्था गर्नुपर्यो भन्यौँ’ भनेर सार्वजनिक खपतका लागि मिडियावाजी गर्नुहुन्छ ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
