चौताराका मेयर सापकोटामाथि आक्रमण भएको भिडियो भाइरल 
By Anusha sijapati
४ वर्ष अगाडि
Comments: 0
काठमाडौं, १४ भदौ ।
सिन्धुपाल्चोकको चौतारा साँगाचोकगढी नगरपालिका प्रमुख कृष्णप्रसाद सापकोटामाथि आक्रमण भएको भिडियो अहिले सामाजिक सञ्जालमा भाइरल भएको छ ।
मंगलबार दिउँसोबाट भाइरल भइरहेको भिडियो स्थानीय तहकाे निर्वाचनताकाकाे हाे । सार्वजनिक कार्यक्रममा उनीमाथि आक्रमण भएको देखिन्छ । आक्रमण हुन थालेपछि उनी भागेको र ‘पुलिस खोइ’ भन्ने आवाज पनि सुनिन्छ ।
यसबारे बुझ्न खोज्दा मेयर सापकोटाको मोबाइल स्विच अफ छ । उपमेयर सीता थापा, नगरपालिकाका सूचना अधिकारी राजभाइ श्रेष्ठले फोन रिसिभ गरेनन् । प्रशासकीय अधिकृत रामबहादुर केसीले भने आफू कार्यालयको काम विशेषले काठमाडौंमा रहेकाले केही जानकारी नरहेको बताए ।
मेयर सापकाेटा सभामुख अग्निप्रसाद सापकाेटाका भाइ हुन् । माओवादी केन्द्रले सिन्धुपाल्चोकको चौताराको मेयरमा सापकोटालाई टिकट दिएपछि असन्तुष्ट पक्षले रोक्न खोजेका थिए । त्यही भिडियो अहिले सामाजिक सञ्जालमा भाइरल बनेकाे हाे । तर केही सामाजिक सञ्जाल प्रयाेगकर्ताले भने एमाले नेता महेश बस्नेत वाइसीएलको कार्यकर्ताबाट खेदिएको भन्दै पाेस्ट गरेका छन् ।
४ वर्ष अगाडि
४ वर्ष अगाडि
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
