आज दिउँसो १ बजे प्रतिनिधिसभाको बैठक बस्दै, पेश होला त एमसिसी ?
By YOUTV
४ वर्ष अगाडि
Comments: 0
काठमाडौं । फागुन ४ गते
आज दिउँसो १ बजे प्रतिनिधिसभाको बैठक बस्दैछ । बैठकको कार्यसूचीसमेत सार्वजनिक भइसकेको छ तर, संघीय संसद् सचिवालयले सार्वजनिक गरेको सम्भावित कार्यसूचीमा मिलेनियम च्यालेञ्ज कर्पोरेशन ९एमसीसी०सम्बन्धी प्रस्ताव समावेश छैन । कार्यसूचीमा शोक प्रस्ताव पेस गर्ने मात्र समेटिएको छ ।
सरकारले सर्वाधिक चर्चा र विवादित बनेको एमसीसी टेबुल गर्ने तयारी गरेको छ । संसद् बैठकअघि सभामुख अग्निप्रसाद सापकोटाले बोलाएको कार्य व्यवस्था परामर्श समितिको बैठकमार्फत प्रतिनिधिसभाको कार्यसूची परिवर्तन हुन सक्ने बताइएको छ ।मंगलबार कांग्रेस संसदीय दलको बैठकले एमसीसी टेबल गराउने निर्णय गरेको थियो ।
प्रधान मन्त्री तथा कांग्रेस सभापति शेरबहादुर देउवाले सभामुखलाई एमसीसी टेबल गर्न आग्रह गरेका थिए । यो विषयमा सभामुख सकारात्मक रहेको कांग्रेसको भनाइ छ ।सत्तारुढ दल नेकपा माओवादी केन्द्र, एकीकृत समाजवादी पार्टी एमसीसीको पक्षमा खुलेका छैनन् । प्रतिपक्षी दल एमालेले भने सत्तारुढ दलले आफ्नो धारणा सार्वजनिक गरेपछि उपयुक्त निर्णय गर्ने बताएको छ ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
