काठमाडौं – “योगदान राष्ट्रको लागि” काठमाडौं महानगर समितिको आयोजनामा भ्रुण हत्या सम्बन्धी जनचेतनामूलक नाटक हाडिगाउँ, डबलिमा भव्य र प्रभावशाली रूपमा सम्पन्न भएको छ।
कार्यक्रम काठमाडौं महानगरपालिका वडा नं. ५ तथा नरदे जीवन्त हाडिगाउँ समितिको सहकार्यमा आयोजित गरिएको हो। समाजमा दिनप्रतिदिन गम्भीर बन्दै गएको भ्रुण हत्या जस्तो संवेदनशील विषयमा जनचेतना फैलाउने उद्देश्यसहित प्रस्तुत गरिएको नाटकले उल्लेखनीय दर्शक सहभागिता र सकारात्मक प्रतिक्रिया प्राप्त गरेको थियो।
कार्यक्रममा “योगदान राष्ट्रको लागि” का केन्द्रीय पदाधिकारीहरू, गोकर्णेश्वर समितिका प्रतिनिधिहरू, वडास्तरीय जनप्रतिनिधि, स्थानीय बुद्धिजीवी तथा सामाजिक अभियन्ताहरूको उल्लेखनीय उपस्थिति थियो।
नाटकमार्फत भ्रुण हत्या विरुद्ध सशक्त सन्देश प्रवाह गर्न सफल कलाकार टोलिलाई आयोजक संस्थाले विशेष धन्यवाद ज्ञापन गरेको छ। विशेषगरी बबी भारती श्रेष्ठको उत्कृष्ट अभिनय प्रस्तुति दर्शकहरूमाझ चर्चित बन्यो।
संस्थाका सचिव दिनेश रुवालीका अनुसार यस्ता सामाजिक परिवर्तनमुखी कार्यक्रमहरूलाई निरन्तरता दिँदै लैजाने “योगदान राष्ट्रको लागि” को प्रतिबद्धता रहेको छ।
By
By
