सोह्र वर्ष उमेर पुगेकालाई काम गर्ने अधिकार दिनुपर्छ: वामदेव गौतम

By anjana soni

६ महिना अगाडि

Comments: 0

पूर्व उपप्रधानमन्त्री वामदेव गौतमले नेपालमा काम गर्न पाउने उमेर १८ वर्षबाट घटाएर १६ वर्ष पुर्‍याउनुपर्ने कानूनी प्रावधानको माग गरेका छन्।

बुधबार सिंहदरबारमा बसेको विकास, आर्थिक मामिला तथा सुशासन समितिको बैठकमा बोल्दै उनले नेपालको वर्तमान कानूनमा १८ वर्ष पुगेपछि मात्र काम गर्न पाउने व्यवस्था रहेकोमा असन्तुष्टि जनाए।

हालको व्यवस्थामाथि प्रश्न: गौतमले अमेरिकासहितका अन्य देशहरूमा १६ वर्षमै काम गर्न पाउने व्यवस्था रहेको उल्लेख गर्दै नेपालमा पनि १८ वर्षको प्रावधान हटाएर १६ वर्षमै काम गर्न पाउने कानूनी व्यवस्था जरुरी रहेकोमा जोड दिए।
युवा रोजगारीमा जोड: “हाम्रो करिब ६० लाख युवाहरू संसारभर बाँडिएका छन्। उनीहरूले पठाएको रकमबाट देश चलिरहेको छ। उनीहरूलाई स्वदेशमै रोजगारी दिन सक्ने वातावरण बनाउनुपर्छ,” गौतमले भने।
१६ वर्षको उमेरको तर्क: उनले काम गर्नसक्ने व्यक्ति १६ वर्षदेखि नै काम गर्नसक्ने तर्क गर्दै भने, “नेपालमा १८ वर्ष लगाउनुपर्छ? दुई वर्ष काम बिहीन हुने। १६ वर्षकोले पनि काम गर्न पाउने कानून बनाउनुपर्छ।”

गौतमले सरकारले ऋणमाथि ऋण थुपार्ने भन्दा युवाहरूलाई स्वदेशमै रोजगारी दिने वातावरण सिर्जना गर्नुपर्नेमा जोड दिएका छन्। यस प्रस्तावले युवा रोजगारी र श्रम कानूनको विषयमा नयाँ बहस सिर्जना गर्न सक्ने देखिएको छ।