ताजा समाचार

काठमाडौं – मधेश प्रदेश नेपाल खेलकुद महासंघका उपाध्यक्ष, रग्बी संघ मधेश प्रदेशका सचिव, गोलबजार ब्याडमिन्टन क्लबका उपाध्यक्ष, तथा सिराहा जिल्ला फुटबल संघका पूर्व सदस्य निषेश श्रेष्ठले नेपालको खेलकुद विकास, युवाको सहभागिता र संरचना सुधारका लागि महत्वपूर्ण सुझावहरू सार्वजनिक गरेका छन्।

वि.सं. २०५८ मा “वीरेन्द्र शिल्ड अवार्ड” बाट सम्मानित श्रेष्ठको खेलकुद क्षेत्रमा योगदान एक दशकभन्दा बढीको छ। विशेषगरी फुटबल खेलमा लामो समयदेखि सक्रिय भई उत्कृष्ट खेलाडीका रूपमा परिचित श्रेष्ठले जिल्लादेखि प्रदेशसम्म फुटबल र अन्य खेलमा महत्त्वपूर्ण भूमिका निर्वाह गर्दै आएका छन्।

श्रेष्ठले नेपालमा खेलकुदको भविष्य उज्यालो भए पनि योजनाको कमी, पूर्वाधार अभाव र नीति कार्यान्वयनमा कमजोरीका कारण धेरै सम्भावनाहरू गुमिरहेका छन् भन्नेमा चिन्ता व्यक्त गरेका छन्।

उनले राखेका सुझावहरू यस प्रकार छन्:

विद्यालय तहदेखि खेलकुद संस्कारको सुरु गर्नुपर्छ,

ग्रामीण क्षेत्रका खेलाडीलाई विशेष प्राथमिकतासहित अवसर दिनुपर्छ,

प्रतियोगिताहरू नियमित रूपमा आयोजना हुनुपर्छ,

खेल मैदान, सामग्री, र प्रशिक्षकको व्यवस्था प्रभावकारी रूपमा गरिनुपर्छ,

महिला र विशेष समूहका युवाहरूलाई खेलकुदमा समावेश गर्नुपर्छ।

श्रेष्ठ भन्छन्, “खेल भनेको केवल समय काट्ने साधन होइन, यो राष्ट्र निर्माणको बलियो माध्यम हो। युवालाई ऊर्जा दिने, अनुशासन र आत्मविश्वास दिने मूल स्रोत हो खेल।”

उनले सरकार, नेपाल खेलकुद परिषद् तथा स्थानीय तहहरूलाई खेल क्षेत्रमा लगानी, नीति सुधार, र युवालाई प्रेरित गर्नका लागि ठोस कदम चाल्न आग्रह गरेका छन्।

निषेश श्रेष्ठले आफ्नो जीवनको महत्वपूर्ण समय खेलकुदमा समर्पण गरेका छन्, र आज पनि सक्रियताका साथ मैदान, संगठन र नीति तहमा योगदान दिइरहेका छन्।

यस्ता युवा नेतृत्वको सक्रियता र दृष्टिकोणले नेपाली खेलकुदलाई दीर्घकालीन रूपमा सबल र समावेशी बनाउने दिशामा नयाँ ऊर्जा दिने विश्वास गरिएको छ।

You Might Also Like

निर्देशक विकास सुवेदी र नायक पल शाह — दुई दशकको सम्झनायोग्य मित्रता फेरि पर्दामा!

२ हप्ता अगाडि

सुरक्षा साथमा, Smartphone हातमा – eSewa Care को धमाकेदार अफर!

२ हप्ता अगाडि