पर्सा, भदौ १४ । वीरगंज महानगरपालिका वडा नं–१६ नयाँ बसपार्कस्थित फुलवारी टोलमा आज बिहान बृहत वृक्षारोपण कार्यक्रम सम्पन्न भएको छ।
कार्यक्रम सामुदायिक प्रहरी साझेदारी अन्तर्गत वीरगंज महानगरपालिका, राष्ट्रपति चुरे तराई मधेश संरक्षण विकास समिति, ग्रीन सिटी सामुदायिक प्रहरी सेवा केन्द्र आदर्शनगर तथा ग्रीन सिटी सामुदायिक सेवा केन्द्रको संयुक्त आयोजनामा भएको हो।
मुख्य अतिथि नगर प्रमुख राजेशमान सिंह र सेवा केन्द्रका अध्यक्ष जयप्रकाश खेतान को अध्यक्षतामा सम्पन्न कार्यक्रममा करिब २५० जनाको उपस्थिति रहेको थियो। कार्यक्रममा विभिन्न प्रजातिका ५० वटा बिरुवा रोपिएको आयोजकले जनाएका छन्।
सो कार्यक्रममा प्रमुख जिल्ला अधिकारी तोय नारायण सुवेदी, सहायक प्रमुख जिल्ला अधिकारी सुमन कुमार कार्की, सुरक्षा निकायका पदाधिकारी, नगर प्रहरी निरीक्षक, विभिन्न सरकारी तथा गैर–सरकारी संघ–संस्थाका प्रतिनिधि, सञ्चारकर्मी, समाजसेवी लगायतको सहभागिता थियो।
आयोजक संस्थाका अनुसार यस प्रकारका वृक्षारोपण कार्यक्रमले वातावरण संरक्षण र हरियाली अभियानलाई अझै मजबुत बनाउने विश्वास लिएको छ।
By
By
By
By
