राजकिशोर यादवले तमु ल्होसार र ल्होछार पर्वले नेपालमा राष्ट्रिय एकता बलियो बनाउने विश्वास व्यक्त गरेका
By YOUTV Nepal
२ महिना अगाडि
Comments: 0
काठमाडौँ, १५ पुष – जनता समाजवादी पार्टी (जसपा) नेपालका राष्ट्रिय उपाध्यक्ष, पूर्व मन्त्री तथा सिरहा क्षेत्र नं २ का प्रतिनिधि सभा सदस्य राजकिशोर यादवले तमु ल्होसार र ल्होछार पर्वले नेपालमा राष्ट्रिय एकता बलियो बनाउने विश्वास व्यक्त गरेका छन्।
गुरुङ समुदायको महत्वपूर्ण चाड तमु ल्होसारको अवसरमा शुभकामना सन्देश जारी गर्दै उनले भने, “तमु ल्होसार केवल एक पर्व मात्र नभई, यो तमु समुदायसहित सम्पूर्ण नेपालीबीच बन्धुत्व, हार्दिकता, धार्मिक सहिष्णुता, एकता, सद्भाव र भातृत्वलाई प्रगाढ बनाउने अवसर हो, जसले राष्ट्रिय एकतालाई अझ सुदृढ बनाउँछ।”
यादवले यो पर्व नेपालमा तमु समुदायले नयाँ वर्षका रूपमा मनाउने मौलिक परम्परा र सांस्कृतिक महत्वको प्रतीक भएको बताउँदै भने, “यस पर्वले विविध जातजातिहरूबीच आपसी सम्मान र मेलमिलापलाई प्रोत्साहन गर्दै सामाजिक सद्भाव र राष्ट्रिय समृद्धिमा सकारात्मक योगदान पुर्याउँछ।”
उनले ल्होसार जस्ता चाडपर्वहरूले मात्र विविधतापूर्ण नेपाली समाजलाई एकता र सहकार्यको सूत्रमा बाँध्ने विश्वास व्यक्त गरे।
ताजा समाचार, प्रदेश नं २, समाचार
मौलापुरमा छैठौं मधानी महोत्सव आयोजना हुँदै। २ हप्ता अगाडि
ताजा समाचार, प्रवास, बागमती प्रदेश, लेख-बिचार, लोकप्रिय, समाचार
चन्दा उठाएर बनाइयो कलात्मक मन्दिर १ वर्ष अगाडि
