वीरगञ्जमा बलपूर्वक बेपत्ता पारिएका पीडितहरुको १५ औं अन्तर्राष्ट्रिय दिवस मनाइएको
By Birgunj
८ महिना अगाडि
Comments: 0
कार्यक्रममा एमनेस्टी इन्टरनेशनल समूह–१६ वीरगञ्जका अध्यक्ष रजनीश झाको अध्यक्षतामा, पूर्व संयोजक राजेश बोथरा, पत्रकार अभिलाष गुप्ता, बिनित जैसवाल, नेपाल रेडक्रस सोसाइटी वीरगञ्ज शाखाका अध्यक्ष बृज किशोर पटेल र पर्सागढी सहिद स्मृति प्रतिष्ठानका प्रतिनिधिहरू उपस्थित थिए।
वक्ताहरूले जबर्जस्ती बेपत्ता पारिएका व्यक्तिहरूको पीडा केवल परिवारको मात्र नभइ सम्पूर्ण समाजको पीडा भएको बताउँदै सरकार र सम्बन्धित निकायलाई पीडितहरूको न्याय सुनिश्चित गर्न आग्रह गरे। उनीहरूले सत्य निरूपण तथा मेलमिलाप आयोग र बेपत्ता छानबिन आयोगलाई अझ प्रभावकारी बनाउनुपर्ने आवश्यकतामा जोड दिए।
कार्यक्रममा पीडित परिवारप्रति एक मिनेट मौनधारण गरी श्रद्धाञ्जली अर्पण गरिएको थियो। सहभागीहरूले मैनबत्ती बाल्दै बेपत्ता पारिएका व्यक्तिहरूको सम्झनामा सम्मान जनाएका थिए।
यस दिवसको उद्देश्य भनेको बेपत्ता पारिएका व्यक्तिहरूको न्याय सुनिश्चित गर्न राज्यलाई दबाब दिनु र पीडित परिवारसँग ऐक्यबद्धता जनाउनु हो।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
