काठमाडौं, श्रावण २८ – आम जनता पार्टी निकट आम उद्योग वाणिज्य संघको आयोजनामा कालीमाटीस्थित भोलेनाथ काँवरिया संघको सहकार्यमा निःशुल्क स्वास्थ्य शिविर सम्पन्न गरिएको छ।
२६औं श्रावणी मेलाको अवसर पारेर आयोजना गरिएको उक्त शिविरमा संघका अध्यक्ष साजन जयसवाल तथा वरिष्ठ अस्थि रोग विशेषज्ञ डा. सुनिल चौधरी (MBBS, K.U.; MS Orthopedic, IOM-TU) सहितको चिकित्सक टोलीको उपस्थिति रहेको थियो।
कार्यक्रमको समुद्घाटन भोलेनाथ काँवरिया संघका केन्द्रीय अध्यक्ष राजकुमार साह कलवार तथा कार्यकारिणी अध्यक्ष चुनुलाल जयसवालको विशेष उपस्थितिमा गरिएको थियो।
शिविरमा सर्वसाधारणले विभिन्न स्वास्थ्य परीक्षण तथा परामर्श सेवा निःशुल्क रुपमा प्राप्त गरेका थिए। अध्यक्ष जयसवाल द्वारा यस्तो सेवा आगामी दिनमा पनि निरन्तर सञ्चालन गर्ने प्रतिबद्धता व्यक्त गरिएको छ।
By
By
