संविधान संशोधन गरी वर्तमान निर्वाचन प्रणाली बदल्नुपर्छ – बाबुराम भट्टराई
By YOUTV
३ वर्ष अगाडि
Comments: 0
काठमाडौं पुस २४ गते । संविधान संशोधन गरेर निर्वाचन प्रणाली बदल्नुपर्ने नेपाल समाजवादी पार्टीका अध्यक्ष तथा पूर्वप्रधानमन्त्री डा. बाबुराम भट्टराईले बताएका छन् । अध्यक्ष भट्टराईले सामाजिक सञ्जाल मार्फत आफ्नो धारणा राख्दै वर्तमान निर्वाचन प्रणाली रहुन्जेल देश सधैँ अस्थिरतामा फसिरहने दाबी गरेका हुन ।
उनले देशमा स्थिरता र विकास तथा समृद्धिका लागि राष्ट्रिय सहमतिको सरकार बनाएर संविधान संशोधन गरी वर्तमान निर्वाचन प्रणाली बदल्नुपर्ने बताएका छन् । राष्ट्रिय सहमतिको सरकारले मात्रै बेपत्ता पारिएका व्यक्तिको छानबिन, सत्य निरुपण तथा मेलमिलाप लगायत शान्ति प्रक्रियाका बाँकी काम टुंगो लगाउन सक्ने उनले बताएका छन् ।
नेता भट्टराईले सामाजिक सञ्जालमा लेखेका छन् , वर्तमान निर्वाचन प्रणाली रहुन्जेल कुनै दलको बहुमत नआउने र देश सधैं अस्थिरतामा फसिरहने भएपछि यसो गरे कसो होला ? राष्ट्रिय सहमतिको सरकार बनाएर टिआरसलगायत शान्ति प्रक्रियाका बाँकी काम टुंग्याउने, सीमा विवाद हल गर्ने, संविधान संशोधन गरेर निर्वाचन प्रणाली बदल्ने– अनि स्वस्थ प्रतिस्पर्धा गर्ने ।’
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
