हवाई उडान पुनः सञ्चालन गर्न तालिबानको भारत सरकारलाई आग्रह
By YOUTV Nepal
५ वर्ष अगाडि
Comments: 0
नयाँ दिल्ली : अफगानिस्तान र भारतका बीचमा भइआएको हवाई उडानलाई सञ्चालन गर्न तालिबान सरकारले भारत सरकारसँग आग्रह गरेको छ।
तालिबान सरकारका एक अधिकारीले भारत सरकारलाई पत्र लेखेर यसअघिका सबै खालका हवाई उडानहरु नियमित गरिदिन आग्रह गरेका हुन् ।
यसअघि भारतले अफगानिस्तानमा उडान गर्दै आएको थियो । तर अफगानिस्तानको सरकार अपदस्थ गरेर तालिबानले सत्ता हत्याएपछि गएको अगष्ट १५ पछि भारतले ती सबै उडानहरु बन्द गरेको थियो ।
तालिबानहरुले अफगानिस्तानको सत्ता कब्जा गरेपछि विभिन्न देशहरुले पनि हवाई उडानहरु रोकेका थिए । तर पाकिस्तानले भने केही दिनअघिदेखि इस्लामाबाद काबुल उडानलाई पुनः सञ्चालनमा ल्याएको छ ।
भारतजस्तै अरु कतिपय देशहरुले अहिले पनि उडान पुनः सञ्चालनमा ल्याएका छैनन् । भारतले भने तालिबान शासनको विरोध गरिरहेको छ । त्यसैले अहिले तत्काल उडान पुनः सञ्चालन नगर्ने बताइएको छ ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
