मिति २०८१/०९/२० गते धनुषा जिल्लाको जनकपुर उप-महानगरपालिका वडा नं. ०१ स्थितबाट हराएकी ४ वर्ष १५ दिनकी बालिका ओजिहा खातुनलाई खोजतलास गरी सुरक्षित रूपमा अभिभावकलाई जिम्मा लगाइएको छ। बालिका भारतका जकाउला सेखकी छोरी हुन्।
बालिका हराएको सूचना पाएपछि धनुषा प्रहरीले तत्काल खोजतलास प्रक्रिया सुरु गरेको थियो। खोजीकार्यको क्रममा ऐ. बिहान १०:३० बजेको समयमा जनकपुर उप-महानगरपालिका वडा नं. ०४ स्थित जिल्ला प्रशासन कार्यालयको नजिक बालिकालाई फेला पारिएको हो।
बालिकाको अवस्था सामान्य रहेको पुष्टि भएपछि उनलाई उनका अभिभावक जकाउला सेखलाई जिम्मा लगाइएको छ। अभिभावकले प्रहरी प्रशासन र खोजतलासमा सहयोग गर्ने सबै पक्षप्रति कृतज्ञता व्यक्त गरेका छन्।
प्रहरीले बालबालिकाको सुरक्षालाई प्राथमिकता दिँदै यस्ता घटनामा शीघ्र प्रतिक्रिया दिनुपर्ने कुरामा जोड दिएको छ। साथै, बालबालिकालाई अभिभावकको सतर्क निगरानीमा राख्न सबैलाई अपिल गरिएको छ।
By
By
By
