साफ यू–१७ महिला च्याम्पियनसिपः नेपाल आज बंगलादेशसँग भिड्दै

काठमाडौं, चैत १४ गते । साफ यू–१७ महिला च्याम्पियनसिप फुटबल प्रतियोगिताको चौंथो तथा आफ्नो अन्तिम खेलमा नेपालले आज आयोजक बंगलादेशसँग खेल्दै छ । ढाकास्थित बीएसएसएस मोस्ताफा कमल स्टेडियममा नेपालले आयोजक टोलीको सामना गर्न लागेको हो । नेपाल र बंगलादेशबीचको खेल दिउँसो ३ बजे शुरु हुनेछ।

नेपाल आज बंगलादेशलाई हराएर प्रतियोगिताको सुखद् अन्त्य गर्न चाहन्छ। नेपालले अघिल्ला तीन खेलमा दुई हार र एक जित निकालेको छ।नेपाल पहिलो खेलमा भारत र तेस्रो खेलमा रसियासँग पराजित भएको थियो। नेपालले दोस्रो खेलमा भूटानलाई हराएको थियो। बंगलादेश ३ खेलमा ६ अंक जोडेर दोस्रो स्थानमा रहेको छ।