सगरमाथा एकेडेमी वीरगंजद्वारा तीजको अवसरमा दर खाने कार्यक्रम सम्पन्न
By Birgunj
८ महिना अगाडि
Comments: 0
वीरगंज — सगरमाथा एकेडेमी, वीरगंजले हरितालिका तीजको अवसरमा महिलाहरूबीच आपसी भेटघाट, आत्मीयता र सांस्कृतिक मूल्यको सम्मान गर्दै शुक्रबार दर खाने कार्यक्रमको आयोजना गरेको छ।
स्कूलका अध्यक्ष जियालाल गुप्ताको सभापतित्वमा सम्पन्न कार्यक्रममा शिक्षक, शिक्षिका, कर्मचारी तथा सरोकारवालाहरूको उत्साहजनक सहभागिता रहेको थियो। कार्यक्रममा नेपाली कला, संस्कृति र परम्पराको संरक्षण तथा प्रवर्द्धनसँगै महिला कर्मचारीहरूबीच समझदारी, एकता र समावेशी भावना अभिवृद्धि गर्ने उद्देश्य रहेको जनाइएको छ।
सहभागीहरूले तीज पर्वले महिलाको सामाजिक पहिचान, अधिकार र समानता प्रवर्द्धनमा सकारात्मक भूमिका खेल्ने बताएका छन्। त्यस्तै, यस्ता कार्यक्रमले संस्थागत तहमा महिला मैत्री वातावरण निर्माणमा सहयोग पुर्याउने अपेक्षा गरिएको छ। आयोजकका अनुसार कार्यक्रमले सहभागीहरूमा उत्साह, एकता र सांस्कृतिक जागरणको भावना बढाएको छ। सगरमाथा एकेडेमीले आगामी दिनमा पनि यस्ता कार्यक्रमलाई निरन्तरता दिने प्रतिबद्धता जनाएको छ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
