वीरगंज – चाडपर्वको अवसरमा यात्रुहरूको सहजता र सुरक्षाका लागि वीरगंजका पाँच स्थानमा ‘यात्रु सहायता कक्ष’ स्थापना गरिएको छ। जिल्ला ट्राफिक प्रहरी कार्यालय पर्साको समन्वयमा जिल्ला प्रहरी कार्यालय पर्साले घण्टाघर चोक, भन्सार क्षेत्र (शंकराचार्य गेट), नयाँ बसपार्क चोक, परवानीपुर चोक लगायतका स्थानमा सहायता कक्ष सञ्चालनमा ल्याएको हो।
दसैं, तिहार र छठको समयमा यात्रुको चाप अत्यधिक हुने भएकाले यात्रुलाई सूचना, निर्देशन र आपतकालीन सहयोग प्रदान गर्ने उद्देश्यसहित सेवा सुरु गरिएको जिल्ला प्रहरी कार्यालय पर्साका प्रवक्ता डिएसपी किशोर लम्सालले जानकारी दिए।
ट्राफिक प्रहरी निरीक्षक लोकराज भट्टका अनुसार सहायता कक्षमा खटाइएका प्रहरी र स्वयंसेवकहरूले यात्रुलाई टिकट, गन्तव्य, सवारी व्यवस्थापन र आपतकालीन सहयोग प्रदान गर्नेछन्। यो सेवा निरन्तर सञ्चालन हुनेछ।
By
By
