लुम्बिनी प्रदेशः आज सभामुख र उपसभामुखको उम्मेदवारी दर्ता हुँदै

काठमाडौं, माघ २ गते । आज लुम्बिनी प्रदेशमा सभामुख र उपसभामुख चयनका लागि उम्मेदवारी मनोनयन दर्ता हुँदै छ । प्रदेशसभा सचिवालयले जारी गरेको सूचनाअनुसार आज दिउँसो १ बजेदेखि ५ बजेसम्म दुवै पदमा निर्वाचन गर्नका लागि उम्मेदवारको नाम प्रस्ताव हुनेछ ।

दर्ता भएका उम्मेदवारको अन्तिम नामावली प्रकाशन साढे ५ बजे हुने बताइको छ ।मंगलबार १ बजे बस्ने प्रदेशसभा बैठकमा पहिला सभामुखको उम्मेदवारी प्रस्ताव भएपछि निर्वाचन प्रक्रिया अघि बढ्ने कार्यसूची तय भएको छ । सभामुख निर्वाचित भएपछि उपसभामुखको निर्वाचन हुने प्रक्रिया सुरु हुने प्रदेशसभाका ज्येष्ठ सदस्य डिल्लीराज भुसालले जानकारी दिएका छन् । सभामुख र उपसभामुखमध्ये एक जना महिला हुनुपर्ने कानुनी व्यवस्था छ ।