लायन्स क्लबद्वारा आयोजित शिविरमा ७६ जनामा मोतियाबिन्दु पहिचान
By Birgunj
५ महिना अगाडि
Comments: 0
वीरगंज – पोखरिया नगरपालिका वडा नम्बर ६ स्थित सिर्सिया गाउँमा शनिबार सम्पन्न निःशुल्क आँखा जाँच तथा मोतियाबिन्दु परीक्षण शिविरबाट जाँच गराएकामध्ये ७६ जनामा मोतियाबिन्दुको समस्या फेला परेको छ।
लायन्स क्लब वीरगंज परिवार र लायन्स क्लब वीरगन्ज सेन्ट्रलको संयुक्त आयोजनामा सञ्चालन गरिएको शिविरमा २७५ जनाले आँखा परीक्षण गराएका थिए। तीमध्ये ७६ जनामा मोतियाबिन्दु पहिचान भएको आयोजकले जानकारी दिएको छ।
स्थानीय नेता एवं समाजसेवी नेजामुद्दीन शमानी तथा आशा देवीको पहलमा गरिएको शिविरमा तिलगंगा आँखा प्रतिष्ठान र वीरगन्ज सामुदायिक आँखा केन्द्रका चिकित्सकहरूको टोलीले परीक्षण र परामर्श सेवा प्रदान गरेको थियो।मोतियाबिन्दु पत्ता लागेकाहरूको निःशुल्क शल्यक्रिया गरिने क्लबका अध्यक्ष नरोत्तम पाण्डेयले जानकारी दिए।
समाजसेवी परशुराम पासवानको अध्यक्षतामा सम्पन्न कार्यक्रममा राष्ट्रिय मुक्ति नेपालका सह–महासचिव नेजामुद्दीन समानी, नेपाली काँग्रेस नेतृ आशा देवी, प्रभु अस्पतालका सञ्चालक डा. मनोज गुप्ता, डा. लक्ष्मी थापा, समाजसेवी मनोज कुमार चौहान, नन्दकिशोर चौहानलगायतको उपस्थितिमा शिविर सञ्चालन गरिएको थियो।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
