रिकभरीङ नेपाल मधेस प्रदेशको नयाँ नेतृत्व चयन, आयुष भुजेल अध्यक्षमा निर्वाचित
By Birgunj
७ महिना अगाडि
Comments: 0
वीरगंज – वीरगंजमा आज सम्पन्न भएको रिकभरीङ नेपाल मधेस प्रदेशको साधारण सभाबाट नयाँ कार्यसमिति चयन गरिएको छ। संस्थाको आगामी कार्यदिशा निर्धारण गर्ने उक्त सभाले आयुष भुजेललाई अध्यक्ष पदमा निर्वाचित गरेको छ।
नव-निर्वाचित कार्यसमितिमा बिकाश लामा उपाध्यक्ष, राज कुमार तामाङ सचिव, भूषण क्षेत्री कोषाध्यक्ष, साथै उदय यादव,अजय कुर्मी लगायत अन्य सदस्यहरू चयन भएका छन्। सभामा सहभागी सबै प्रतिनिधिहरूले नयाँ नेतृत्वलाई बधाई ज्ञापन गर्दै सफल कार्यकालको शुभकामना व्यक्त गरेका थिए।
सहभागीहरूको भनाइ अनुसार, नयाँ नेतृत्वले संगठनलाई थप सक्रिय समावेशी र प्रभावकारी बनाउने अपेक्षा गरिएको छ। विशेष गरी समुदायमा पुनर्स्थापना, परामर्श तथा पुनरावृत्त जीवनशैलीको प्रवर्द्धनमा कार्यरत संस्थाले आगामी दिनमा अझ विस्तारित रूपमा कार्य गर्ने प्रतिबद्धता जनाएको छ।
रिकभरीङ नेपालले विगत केही वर्षदेखि लत तथा दुर्व्यसनबाट प्रभावित समुदाय , विशेष गरी पुनर्स्थापना प्रक्रियामा रहेका व्यक्तिहरूलाई लक्षित गर्दै विभिन्न कार्यक्रमहरू सञ्चालन गर्दै आएको छ।
संस्थाले अब मानव अधिकार तथा स्वास्थ्य अधिकार सुनिश्चितताका लागि देशव्यापी रूपमा वकालत (Advocacy) र पैरवी (Lobbying) जस्ता कार्यक्रमहरूलाई पनि प्राथमिकतामा राख्ने जनाएको छ। यस क्रममा मुख्य प्रभावित समूहहरू — जस्तै लतपीडित, समाजबाट बहिष्कृत वा जोखिममा परेका व्यक्तिहरूलाई केन्द्रीत गर्दै सेवा प्रवाह गरिँदै आएको छ।
नयाँ कार्यसमितिले यस अभियानलाई थप नीतिगत तहमा प्रभावकारी बनाउने संलग्न सरोकारवाला निकायहरूसँग सहकार्य बढाउने र मूलधारको समाजमा पुनर्समावेशीकरण सुनिश्चित गर्ने दिशामा अघि बढ्ने प्रतिवद्धता जनाएको छ ।
७ महिना अगाडि
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
