‘प्रसाद २’मा यस्तो छ केकीको नारायणी लुक्स
By Anusha sijapati
३ वर्ष अगाडि
Comments: 0
काठमाडौं पुष ६
‘प्रसाद २’को छायांकन सेटबाट अभिनेत्री केकी अधिकारीको ताजा तस्वीर बाहिरिएको छ । फिल्ममा उनले अभिनय गरिरहेको चरित्र नारायणीको लुक्स पनि हो यो ।
तस्वीरमा लङकोट पहिरिएकी उनी खुसी देखिएकी छन् । पँधेरो र त्यससँगै रहेको मन्दिरको सेटमा फिल्म खिचिएको छ । बिहीबारदेखि कास्कीको माछापुच्छ्रे गाउँपालिकाबाट छायांकन सुरु भएको हो ।अन्तरजातीय विवाह र प्रेम सम्बन्धको कथावस्तु पेस गर्ने यो फिल्ममा केकीको अपोजिटमा विपिन कार्की छन् । अर्पण थापा, महेश त्रिपाठी, कमलमणि नेपाल, प्रकाश घिमिरे र विशाल पहाडी पनि छन् ।फिल्मलाई सुदर्शन थापाले निर्देशन गरिरहेका छन् । ‘प्रसाद’को अघिल्लो श्रृंखलामा नारायणी पात्रको भूमिकामा नम्रता श्रेष्ठले अभिनय गरेकी थिइन् । केही कलाकार र निर्माण टिम हेरफेरसहित फिल्म छायांकन सुरु भएको हो ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
