प्रधानमन्त्री दाहालद्वारा संवैधानिक परिषदको बैठक आह्वान
By YOUTV
३ वर्ष अगाडि
Comments: 0
काठमाडौं, बैशाख ५ गते । प्रधानन्यायाधीश नियुक्ति सिफारिस गर्न प्रधानमन्त्री पुष्पकमल दाहाल ‘प्रचण्ड’ले संवैधानिक परिषदको बैठक बोलाएका छन्।बैठक शुक्रबार बिहान ९ बजे सिंहदरबारमा बस्ने सचिवालय स्रोतले जनाएको छ।
सोमबार नेकपा एमाले, नेपाली कांग्रेस र नेकपा माओवादी केन्द्रको संयुक्त बैठकले प्रधानन्यायाधीशको नियुक्ति प्रक्रिया अघि बढाउने निर्णय गरेका थिए।नेपाल बार एसोसिएसन र सर्वोच्च अदालत बार एसोसिएसनले चाँडै नै प्रधानन्यायाधीश नियुक्ति गर्नुपर्ने माग गर्दै आएका छन्।
हाल सर्वोच्च अदालतमात्र नभइ ६ वटा उच्च अदालतमा पनि कायममुकायम मुख्य न्यायाधीशको नेतृत्व छ। उच्च अदालतमा मुख्यबाहेकका अरू न्यायाधीशको पद पनि रिक्त हुँदै गएको छ ।
२०७८ फागुन १ गते प्रधानन्यायाधीश चोलेन्द्र शमशेर जबरा निलम्बनमा परेसँगै न्यायाधीश दीपककुमार कार्कीले कायममुकायम लिएका थिए। उनले करिब ८ महिना कामु प्रधानन्यायाधीशको जिम्मेवारी सम्हालेपछि अवकाश लिएका थिए। त्यसपश्चात् न्यायाधीश हरिकृष्ण कार्कीले कामु प्रधानन्यायाधीको जिम्मेवारी सम्हाल्दै आइरहेका छन्।
३ वर्ष अगाडि
३ वर्ष अगाडि
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
