पूर्वप्रधानन्यायाधीश शर्माको निधनको शोकमा आज देशभरका अदालत बन्द
By YOUTV
४ वर्ष अगाडि
Comments: 0
काठमाडौं । माघ ९ गते
आज देशभरका अदालत बन्द हुने भएका छन्। पूर्वप्रधानन्यायाधीश मोहनप्रसाद शर्माको निधनको शोकमा देशभरका अदालत बन्द गरिएका हुन ।पूर्वप्रधानन्यायाधीश शर्माको माघ ५ गते निधन भएको थियो। उहाँको शनिबार अन्त्यष्टि गरिएको छ।पूर्वप्रधानन्यायाधीश शर्माको ८८ वर्षको उमेरमा निधन भएको थियो।
उहाँले २०१६ सालमा सरकारी सेवामा प्रवेश गर्नु भउको थियो भने २०५४ चैतदेखि २०५६ मंसिर ३० गतेसम्म प्रधानन्यायाधीश रहनु भएको थियो । सर्वोच्च अदालतको शनिबार बसेको आकस्मिक पूर्ण बैठकले शोक प्रस्ताव पारित गरी शर्माको निधनमा देशभरका अदालतमा शोक बिदा दिने निर्णय गरेको हो।सर्वोच्चको निर्णयअनुसार, आज सर्वोच्च अदालतसहित देशभरका उच्च अदालत, जिल्ला अदालत, विशेष अदालत एवं अन्य अदालत र न्यायाधीकरण बन्द रहने भएका छन्।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
