नेपाली फेसन शोमा ब्राजिल र मोरक्कोका सुन्दरीले नापे र्याम्प
By Anusha sijapati
३ वर्ष अगाडि
Comments: 0
काठमाडौं पुष ६
नेपाली कला, संस्कृतिलाई विदेशमा फैलाउने उद्देश्यले फिल्म ‘आमा’का निर्माताले अष्ट्रेलियामा फेसन शो आयोजना गरेका छन् ।
हेरिटेज अफ फेसन अष्ट्रेलिया २०२२ नाम दिइएको शोलाई पानीजहाजमाथि आयोजना गरिएको थियो । निर्माता तथा असाप इन्टरटेनमेन्टका सन्तोष अधिकारीले शोको चौथो सिजन सम्पन्न भएको जानकारी दिए ।
रोविन परियारको डिजाइन पहिरिएर नेपाली तथा विदेशी मोडलले र्याम्प नापेका थिए । कोरोना महामारीपछि पहिलो पटक आफूले महंगो लगानीमा विदेशमा फेसन शोको आयोजना गरेको उनले बताए ।
नेपालीसहित ब्राजिल र मोरक्कोका सुन्दरीले र्याम्प नापेका थिए । नेपाली पहिरनमा सजिएका विदेशी मोडलले नेपाली पहिरन मन परेकाले अन्तर्राष्ट्रिय बजार प्रवर्द्धनमा सघाउने वचन दिएको जनाइएको छ ।
शोका दुई सिजन नेपालमा र एक सिजन अष्ट्रेलियामा आयोजना भइसकेको थियो । अधिकारीको निर्माण र दीपेन्द्र के खनाल निर्देशित फिल्म ‘आमा’ नेपालमा हिट भएको थियो ।
उनले अर्पण थापा निर्देशित फिल्म ‘तीन जन्तु’को निर्माण पनि गरिसकेका छन् । देवकुमार श्रेष्ठसँग मिलेर उनले अर्को फिल्म ‘डलर एयुडी’ निर्माणको तयारी थालेका छन् ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
