चुनावपछि कांग्रेसकै नेतृत्वमा गठबन्धनको सरकार बन्ने प्रकाशमान सिंहको दाबी
By YOUTV
४ वर्ष अगाडि
Comments: 0
काठमाडौं, १४ कात्तिक । चुनावपछि कांग्रेसकै नेतृत्वमा गठबन्धनको सरकार बन्ने नेपाली कांग्रेसका नेता प्रकाशमान सिंहको भनाई छ । आज काठमाडौंका बानेश्वरमा सोमबार चुनावी अभियानका क्रममा मतदातासँगको भेटघाटका क्रममा नेता सिंहले मुलुकमा राजनीतिक स्थायित्व कायम गरि बाँकी रहेका कार्यभार पूरा गर्न कांग्रेसले नै नेतृत्व गर्ने जिकिर गरेका छन् ।
सत्ता गठबन्धनबाट काठमाडौं १ का प्रतिनिधिसभा सदस्यका उम्मेदवार नेता सिंहले मुलुकमा राजनीतिक अस्थिरताका कारण आम नेपालीको जीवन स्तरमा परिवर्तन आउन नसकेको बताएका छन् । नेता सिंहले अबको निर्वाचनले मुलुकलाई राजनैतिक स्थायित्व प्रधान गर्ने भएकाले यसतर्फ गम्भीरताका साथ सोच्न समेत मतदातालाई आग्रह समेत गरेका छन् । उनले राजनीति अस्थिरताकै कारण सुशासन हुन नसकेको भन्दै भ्रष्टाचारले सीमा नाघेको उल्लेख गरेका छन् । प्रशासनिक निकाय सिस्टममा नचल्दा भनसुन बिना काम हुन नसक्ने अवस्था बनेको सिंहको भनाई छ ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
