आफ्नो काम स्थगित गरेर पनि विश्वकप सफल बनाउन कतारमा रहेका नेपाली समुदायालाई आग्रह
By YOUTV
३ वर्ष अगाडि
Comments: 0
काठमाडौं, २४ कात्तिक । कतारको दोहास्थित नेपाली दूतावासले त्यहाँ रहेका नेपाली संघसंस्था तथा समुदायलाई फिफा विश्वकप–२०२२ सफला बनाउन कतार सरकारलाई सहयोग गर्न आग्रह गरेको छ । दूतावासले एक विज्ञप्ति जारी गरी कतारमा रहेका नेपाली संघसंस्था र समुदायलाई उक्त आग्रह गरेको हो ।
‘कतारमा क्रियाशिल नेपाली समुदाय तथा संघसंस्थाहरुले पनि सम्पदान गनुपर्ने कुनै कार्यक्रम सम्भव भएसम्म स्थगित गरी इमान्दारिता, नैतिकता, कर्तव्यपरायणता र उच्चमर्यादासहित फिफा विश्वकप सफल बनाउनका लागि जिम्मेवारीपूर्ण सहयोग गर्नु–गराउनु हुनेछ भन्ने विश्वास लिइएको छ,’ दूतावासले विज्ञप्तिमा भनेको छ ।
कतारमा यही नोभेम्बर २० देखि डिसेम्बर १८ सम्म फिफा विश्वकप हुँदैछ । नेपाल र कतारबीचको सम्बन्धलाई अझ उच्चस्तरमा पुर्याउन सबैले निरन्तररुपमा सकारात्मक भूमिका र जिम्मेवारी बहन गर्नुपर्ने दूतावासले जनाएको छ ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
