आज प्रदेश नं. १ मा नयाँ मुख्यमन्त्री चयन गरिदै, कसको छ सम्भावना ?
By YOUTV
३ वर्ष अगाडि
Comments: 0
काठमाडौं पुस २४ गते । आज प्रदेश नं. १ मा नयाँ मुख्यमन्त्री चयन गरिदै छ । प्रदेश प्रमुख परशुराम खापुङले दलहरुलाई नयाँ मुख्यमन्त्रीको नाम सिफारिस गर्न आज साँझ पाँच बजेसम्मको समय दिएका हुन् । ९३ सदस्यीय प्रदेश १ मा नेकपा (एमाले)का ४०, नेपाली कांग्रेसका २९, नेकपा (माओवादी केन्द्र)का १३, राप्रपाका ६, नेकपा (एकीकृत समाजवादी)का ४ र जनता समाजवादी पार्टीका १ जना प्रदेशसभा सदस्य छन् ।
सरकार बनाउन ४७ सांसदको मत आवश्यक हुन्छ । यस प्रदेशमा सत्ता गठबन्धनमा रहेका एमाले, माओवादी, राप्रपा, एकिकृत समाजवादी र जसपाको मत जोड्दा ६४ सांसद हुन्छन् । गठबन्धनसँग दुईतिहाइ भन्दा बढीको बहुमत छ । एमालेबाट प्रदेश संसदीय दलको नेता हिक्मत कार्की र माओवादीबाट प्रदेश संसदीय दलको नेता इन्द्रबहादुर आङुबो मौसम मध्य एकजना यो प्रदेशको मुख्यमन्त्री हुनेछन् ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
