४० प्रतिशत मत ल्याएको शक्तिलाई बेवास्ता गर्न नहुने कांग्रेसका महामन्त्री थापाको भनाई

काठमाडौं । पुष २२ गते
पार्टीभित्र आफूहरूले भाग नभई न्याय खोजेको नेपाली कांग्रेसका महामन्त्री गगन थापाले बताउनु भएको छ । सभापतिमा पराजित नेता शेखर कोइरालाले सिंहदरबारअगाडि बसेरा होटलमा राखेको भेलामा बोल्दै थापाले ४० प्रतिशत मत ल्याएको शक्तिलाई बेवास्ता गर्न नहुने बताउनु भएको थियो । उहाँले पालिका, क्षेत्र र जिल्लामा हामी मुख्य शक्ति भएको जिकिर गर्नु भएको थियो ।

थापाले नेतृत्वले ४० प्रतिशत मत ल्याएको शक्तिलाई वेवास्ता गरेर पार्टी नचल्ने उल्लेख गर्नु भएको छ ।आफूहरूले सभापति शेरबहादुर देउवालाई सफल बनाउन सहयोग गर्न खोजेको पनि उहाँको भनाइ थियो। तर नेतृत्वले सबैलाई समेटेर नलैजाने हो भन्ने त्यो सैह्य नहुने पनि उहाँले बताउनु भएको थियो । उहाँले सभापति देउवाले गुट चलाउन नहुने धारणा राख्नु भएको थियो ।