सेयर बजारमा भित्री कारोबार, सर्कुलर ट्रेडिङ भइरहेको–अर्थमन्त्रीशर्मा

काठमाडौं । फागुन १९ गते
अर्थमन्त्री जनार्दन शर्माले सेयर बजारमा भित्री कारोबार, सर्कुलर ट्रेडिङ भइरहेको भन्दै यस्तो कारोबार मान्य नहुने बताउनु भएको छ । । बुधबार अर्थ मन्त्रालयमा नवनियुक्त धितोपत्र बोर्डका अध्यक्ष तथा नेप्सेका महाप्रबन्धकसँगको छलफलमा उहाँले कसैको दबाब र प्रभावमा नपरी काम गर्न निर्देशन दिनु भएको थियो  ।

छलफलको क्रममा धितोपत्र बोर्डका अध्यक्ष रमेश हमालले बोर्डको अनुगमन र सुपरीवेक्षण क्षमता अभिवृद्धिका लागि स्वचालित बजार सुपरीवेक्षण प्रणाली आवश्यक रहेको बताएका छन् । यसका लागि आफूहरूले काम सुरु गरिरहेको उनले जानकारी दिए । उनले अहिलेको ऐनमा भएको व्यवस्थाले मात्र गलत अभ्यास रोक्न नसकिने भएकाले यसमा पनि संशोधनको आवश्यकता रहेको बताए ।