वीरगंज – वीरगंज महानगरपालिका–३० लालपर्सास्थित नेपाल राष्ट्रिय माध्यमिक विद्यालयलाई जनमत पार्टी पर्साले चार थान डेस्क–बेन्च उपलब्ध गराएको छ। विद्यालयमा देखिएको आवश्यकतालाई मध्यनजर गर्दै लोककल्याणकारी अभियानअन्तर्गत अध्यक्ष ओमप्रकाश सर्राफको पहलमा डेस्क–बेन्च हस्तान्तरण गरिएको हो।
कार्यक्रममा जनमत पार्टी पर्साका अध्यक्ष सर्राफले शिक्षालाई समाज रूपान्तरणको आधार बताउँदै विद्यालयको वातावरण सुधारमा समुदाय, स्थानीय सरकार र राजनीतिक दलहरू संयुक्त रूपमा अघि आउनुपर्ने धारणा राखे। उनले मधेस प्रदेशको शैक्षिक सूचकांक अन्य प्रदेशको तुलनामा कमजोर देखिनु चिन्ताजनक भएको उल्लेख गर्दै आधारभूत पूर्वाधारको अभावले विद्यार्थीको सिकाइ प्रभावित हुने बताए। सर्राफले जनमत पार्टी पर्साले आफ्नै स्तरबाट निरन्तर सहयोग गर्दै आएको बताउँदै, “सानो सहयोग भए पनि विद्यालय सुधारमा टेवा पुग्ने विश्वास छ,” भने।
विद्यालय व्यवस्थापन समितिका अध्यक्ष ध्रुप महतोको अध्यक्षतामा सम्पन्न कार्यक्रममा अध्यक्ष ओमप्रकाश सर्राफ, क्षेत्रीय संयोजक डा. मनोज सर्राफ, जिल्ला सदस्य नागेन्द्र गुप्ता, नागेन्द्र यादव, महानगर उपाध्यक्ष निरन्जन कुशवाहा, युवा नेता राजन मण्डल र अनिल शर्मा, प्रधानाध्यापक हेम आचार्यलगायतको उपस्थिति थियो।
By
By
By
