खानेपानी मन्त्री प्रदीप यादवद्वारा राजीनामा दिने घोषणा

काठमाडौं  – ओली नेतृत्वको सरकारमा एकपछि अर्को गर्दै मन्त्रीहरूले राजीनामा दिन थालेका छन्। जेनजी आन्दोलनको क्रममा सोमबार १९ जना युवाले ज्यान गुमाएको घटनालाई लिएर सरकारमाथि व्यापक आलोचना भइरहेको छ। उक्त घटनापछि सरकारमा बस्नु नै अनुचित भएको भन्दै मन्त्रीहरू राजीनामा दिन थालेका हुन्।

पहिलो राजीनामा कृषिमन्त्रीले दिएका हुन् भने त्यसपछिका क्षणमै खानेपानी मन्त्री प्रदीप यादवले पनि आफ्नो पदबाट राजीनामा दिने घोषणा गरेका छन्। स्वास्थ्यमन्त्री प्रदीप पौडेलले पनि सरकार छोड्ने निर्णय लिएको जनाएका छन्।

तीनै मन्त्रीहरूले एउटै स्वरमा जनताको पीडालाई सरकारले वेवास्ता गरेको, यस्ता घटनामा सत्ता रहिरहनुको नैतिकता नरहेको भन्दै सरकारमा बस्नुको अब कुनै अर्थ नरहेको स्पष्ट पारेका छन्।

यस राजीनामा श्रृंखलाले ओली सरकारलाई थप दबाबमा पारेको छ भने आगामी दिनमा अन्य मन्त्रीहरूले पनि यस्तै कदम चाल्ने अड्कल गरिएको छ।