आज बिहान सत्ता गठबन्धनका शीर्ष नेताको बैठक बालुवाटारमा बस्ने

काठमाडौं । पुष १९ गते
आज बिहान सत्ता गठबन्धनका शीर्ष नेताको बैठक बालुवाटारमा बस्ने भएको छ। आसन्न राष्ट्रिय सभाको निर्वाचनमाको विषयमा छलफल गर्न सत्तारुढ पाँच दलको बैठक सोमबार बिहान बालुवाटारमा बोलाइएको हो।आसन्न राष्ट्रिय सभाको निर्वाचनमा सत्ता गठबन्धनमा सहभागी दलबीच

कसरी अगाडि बढ्ने भन्ने विषयमा छलफल एजेन्डा रहेको प्रधानमन्त्री सचिवालयले जनाएको छ। माघ १२ गते राष्ट्रियसभा सदस्यको निर्वाचनका लागि मंगलबार उम्मेदवारी दर्ताको निर्वाचन आयोगको कार्यतालिका रहेको छ।

उम्मेदवारी दिने समय नजिकिएपनि गठबन्धनभित्र कुनै छलफल भएको छैन। सत्ता गठबन्धनमा नेपाली कांग्रेस, नेकपा माओवादी केन्द्र, नेकपा (एकीकृत समाजवादी(, जनता समाजवादी र राष्ट्रिय जनमोर्चा सहभागी छ।