आज दउँसो १ बजेका लागि बोलाइएको प्रतिनिधि सभाको बैठक स्थगित

काठमाडौं । माघ २६ गते
आज दउँसो १ बजेका लागि बोलाइएको प्रतिनिधि सभाको बैठक फागुन २ गते दिउँसो १ बजेका लागि सारिएको छ।संघीय संसदका महासचिव भरतराज गौतमले मंगलबार राति एक सूचना जारी गर्दै माघ २६ गते बुधबार दिनको १ बजे बस्ने गरी निर्धारण भएको प्रतिनिधि सभाको बैठक विशेष कारणले उक्त दिन र समयमा बस्न नसक्ने जनाकारी गराउनु भएको हो ।

संसद् सचिवालय उच्च स्रोतका अनुसार सरकारको आग्रहमा आज बस्ने भनिएको प्रतिनिधि सभाको बैठक स्थगन गरिएको हो। यसअघि आज बिहान ११ बजेका लागि सभामुख अग्नि सापकोटाले कार्य व्यवस्था परामर्श समितिको बोलाएका थिए। त्यसपछि प्रतिनिधि सभाको बैठकको सम्भावित कार्यसूची पनि संसद सचिवालयले निकालेको थियो।

स्थानीय तहको निर्वाचन मिति घोषणा गरेको सरकारले पाँचदलीय सत्ता गठबन्धनमै एमसीसी सम्झौतालाई टेबल गर्ने विषयमा एकमत नभएपछि प्रतिनिधि सभाको बैठकै स्थगन गरिएको सुचनामा उल्लेख गरिएको छ । यसअघिका बैठक पनि सूचना टाँस गरी स्थगन भइरहेका छन्।