आँखा छापमा जनसमर्थन बढ्दो, बिरगंज–१७ मा अमिताभ बच्चन दासको घरदैलो
By YOUTV Nepal
२ महिना अगाडि
Comments: 0
प्रगतिशील लोकतान्त्रिक पार्टी पर्सा क्षेत्र नम्बर–२ का उम्मेदवार अमिताभ बच्चन दास ले आज बिरगंज महानगरपालिका वडा नम्बर–१७ मा आम जनसमुदायसँग भेटघाट तथा घरदैलो कार्यक्रम सम्पन्न गरेका छन्। कार्यक्रममा स्थानीय बासिन्दाले चुनाव चिन्ह आँखा छापमा मतदान गरी विजयी गराउने प्रतिबद्धता जनाएका छन्।
जनताले उम्मेदवार दासलाई आजझैं सधैं जनतासँग प्रत्यक्ष संवादमा रहन सुझाव दिएका छन्। उनीहरूका अनुसार नजिकबाट कुरा गर्दा समस्या बुझ्न सजिलो हुन्छ र विश्वास पनि बढ्छ।
उम्मेदवार दासले बिरगंजलाई आर्थिक राजधानीको रूपमा विकास गर्ने, उद्योग–व्यवसाय पूर्ण रूपमा सञ्चालन हुने वातावरण बनाउने र गुणस्तरीय सडक, नियमित बिजुली तथा शुद्ध खानेपानीका लागि पहल गर्ने प्रतिबद्धता व्यक्त गरेका छन्। स्थानीयको भनाइमा यी कुरा कागजमै होइन, व्यवहारमै उतार्न सके बिरगंजको अनुहार बदलिन सक्छ।
कार्यक्रममा देखिएको उत्साह र समर्थनले आँखा छापप्रति जनविश्वास बढ्दै गएको संकेत गरेको सहभागीहरूले बताएका छन्।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
